آشيق مئهدي
یازار : نژادمحمد | بؤلوم : آشيق قورباني
+0 به یه ن
آشيق مئهدي
(1838-1905)
گرايلي
سنسيز
ديلبرا، سن گؤوهركانسان،
مرجاني نئيله‌رم سنسيز؟
جاهاندا مطلبيم سنسن،
جاهاني نئيله‌رم سنسيز؟
اير اولسا يوز اوزو گول،
دانيشسا دا يوز شيرين ديل،
كؤنول اولماز يئنه ماييل،
من آني نئيله‌رم سنسيز.
مئهدي‌نين ديلبري سنسن،
ديلي‌نين ازبري سنسن،
سرداري، سروري سنسن،
سولتاني نئيله‌رم سنسيز.
آشيق قوربان آغدابانلي
یازار : نژادمحمد | بؤلوم : آشيق قوربان آغدابانلي
+0 به یه ن
عاشق قوربان آغدابانلي
(1846-1933)
گرايليلار
دولانا-دولانا
بولبول ايديم، گوله حسرت،
قالديم دولانا-دولانا.
بو جانيمي عشق اودونا
سالديم، دولانا-دولانا.
نظر سال ديدم ياشينا،
يانديم هيجران آتاشينا،
صدقه يارين باشينا
اولدوم، دولانا-دولانا.
چكديم فيرقت جفاسيني،
هاچان سوردوم صفاسيني؟
جان دئييب، جان قاداسيني
آلديم، دولانا-دولانا.
آرتيب درديم گونو-گوندن،
اللي ايسه اؤتوب ميندن.
قوربان دئير حسرتيندن
اؤلدوم، دولانا-دولانا.
آشيق رجب
یازار : نژادمحمد | بؤلوم : آشيق رجب
+0 به یه ن
(1825-1935)
گرايليلار
بۆلبول
قارلي داغلار آشا-آشا
گۆل اۆستونه گلن بۆلبول.
تر قؤنچه‌يه قوْندو قارغا.
گۆله حسرت قالان بۆلبول.
باخماميشام ياراسينا،
ازل دردين چاراسينا،
قێزيل گۆلون آراسينا،
قاناديني سالان بۆلبول.
بيري گۆلدور، بيري چيچك،
بيري-بيريسيندن گؤيچك،
آشيق رجب دئيير، گئرچك
كؤنلو قمله دوْلان بۆلبول.
دوللو مصطفي
یازار : نژادمحمد | بؤلوم : دوللو مصطفي
+0 به یه ن
دوللو مصطفي
(اون دوققوز عصر)
گرايليلار
صنم سني
گؤردوم سحر بولاق اوسته،
صنم سني، صنم سني.
خالق ائيله‌ييب عجب نسته،
صنم سني، صنم سني.
دويماق اولماز قلم قاشدان،
سنين كيمي باغري داشدان،
سئچممه‌ديم ياشيلباشدان،
صنم سني، صنم سني.
آغ اوزده خالي بنؤوشه،
كؤنول حسرت يومرو دؤشه،
آختارير گؤزوم هميشه،
صنم سني، صنم سني.
گول جامالين بديرلي آي،
قاشلاريندي قورولو ياي،
ائيله‌مه‌رم دونيايا تاي،
صنم سني، صنم سني.
اسكيك اولماز، گؤزل، خاتان،
دول مصطفي سنين بوتان،
وئرمز منه ظالم آتان،
صنم سني، صنم سني.
آشيق مۇسا
یازار : نژادمحمد | بؤلوم : آشيق موسا
+0 به یه ن
آشيق مۇسا
(1830-1912)
گرايليلار
بير گۆن
كؤنول، سندن گيلئيلييم،
ياخشي-ياخشي يازار بير گۆن.
ايكي ميرقززب ايلشيب،
چك اليندن هازار بۇ گۆن.
ائي يۆكو تۇنج اوْلان كيمسه،
ناغديسي وئج اوْلان كيمسه،
نۆتفه‌دن كج اوْلان كيمسه،
دوْغرو يوْلدان آزار بير گۆن.
يازيق مۇسا ائيلر ديلك،
بۇ قم قوْيماز بيزي گۆلك،
دئمه‌ديممي چرخي-فلك،
بۇ دؤورانين پوْزار بير گۆن.
باغبان محمّد
یازار : نژادمحمد | بؤلوم : باغبان محمّد
+0 به یه ن
باغبان محمّد
(1835-1914)
قوشمالار
اويناسين
باشينا دؤندويوم ييغيلان جانلار،
ميننت ائدين قددي چينار اويناسين.
دوشوم آياغينا، دؤنوم باشينا،
بئلي نازيك، گوموش كمر اويناسين.
او دسته ديلبريم سؤزدن كوسمه‌سين،
رحمين، شفاهتين بيزدن كسمه‌سين،
اؤزگه‌لر كؤشكونه قدم باسماسين،
قلم قاشلي، گؤزو خومار اويناسين.
عاشق ميننت چكر يارين عشقينه،
پروانه‌لر يانار نارين عشقينه،
باغبان دئير: بير نيگارين عشقينه،
نه اولار كي، او بختور اويناسين.
نامه گليبدير
یازار : نژادمحمد | بؤلوم : چوبان افغان
+0 به یه ن
نامه گليبدير
دوستوم يئنه سلام-دعا گؤندريب،
خوبلار مجليسيندن نامه گليبدير.
بو درديمين ميندن بيري آزالماز،
منه گلن دئيين، كيمه گليبدير.
يئنه ده قاينايير سرين بولاقلار،
كئچير خياليمدان اؤتن او چاغلار،
نييه كيمسه‌سيزدير بيزيم بو داغلار،
اوندان اؤترو كؤنلوم قمه گليبدير.
بير آغ گون گؤرمه‌ديك داري-فنادا،
چوبان افقان وئردي عومرونو بادا،
دؤوران وارلي‌نيندير باشدان دونيادا
كاسيب نييه بو عالمه گليبدير؟!
آيريلديم
یازار : نژادمحمد | بؤلوم : چوبان افغان
+0 به یه ن
آيريلديم
موژده دئيين دوشمنلره،
بو گون من ياردان آيريلديم.
اؤز عومرومون اينجيسيندن،
دؤولتدن، واردان آيريلديم.
سئللر كيمي جوشوب داشديم،
هوندور قايالاردان آشديم،
اؤپدوم، قوجدوم، حالاللاشديم،
سينه‌سي قاردان آيريلديم.
افقان كسدي گومانيني،
حاق ائله‌سين ديوانيني،
او ساتدي اؤز ايمانيني،
بيئ`تيباردان آيريلديم.
ائيلر
یازار : نژادمحمد | بؤلوم : حوسين جاوان
+0 به یه ن
ائيلر
(جيغالي گرايلي)
محبت سارايي اوچسا،
قلب آليشار، ديل واي ائيلر.
كؤنول پروازلانيب اوچسا،
گزر ياريني،
وفاداريني،
اؤز ديلداريني،
تاپامماسا، ديل واي ائيلر.
آشيق ياريني گؤرمسه،
سيياه ساچلارين هؤرمسه،
آچيلان گولون درمسه،
گول تؤكولر،
اغيار گولر،
بئل بوكولر،
جيغا آغلار، تئل واي ائيلر.
اووچو ايتيرسه مارالي،
كسيلر صبري-قراري.
داغدان-داشدان خبر آلي،
اورگي يانار،
ياريني آنار،
دردلي قانار،
چمن سيزلار، چؤل واي ائيلر،
محبتين تامي بالسا،
آشيغين آغريني آلسا،
يار يارينا حسرت قالسا،
ساز دا آغلار،
سؤز ده آغلار،
گؤز ده آغلار،
گؤزدن آخان سئل واي ائيلر.
هيجران ياشي درين گلسه،
محبتي ايكي بؤلسه.
جاوان حسين ناكام اؤلسه،
چايلار چاغلار،
دوست سوراقلار،
ياري آغلار،
حئيف، دئييب ائل واي ائيلر.
دئ، داغلارين بو چاغيندان
آشيق، گؤتور تئللي سازي،
دئ، داغلارين بو چاغيندان،
ائشيديلسين خوش آوازين
خاچبولاغين يايلاغيندان.
باخ، قارتاللي قايالارا.
بزكدير اولو داغلارا،
گؤز وورورلار بولودلارا
يوردومون هر بوجاغيندان.
طبيعتين بودور حالي،
گونئيلره سريب خالي،
بوز تپه‌لر اؤرتوب شالي،
دويماق اولمور نؤوراغيندان.
كمرقايا، عينالليدوز،
دوروبدور سننن اوزبوز،
سيزيلداشان زنبورو سوز،
بال سوزولور "جايناغيندان".
ياخليچوخور، گيللي بولاق،
كپزه چيخ، گؤي گؤله باخ،
گزمه‌يينن اولماز دويماق،
آذربايجان تورپاغيندان.
سارييالدان گل قوشقارا،
حؤرمت ائيلر صنعتكارا.
گؤزله، دوشمه بوران-قارا،
چيخ داغلارين سيناغيندان.
جاوان حسين، آوازين خوش،
زيلدن اوخو، اوركدن جوش،
شئ`ر ده ياز، نغمه ده قوش،
دورر سوزولسون دوداغيندان.
آغرين عاليم
یازار : نژادمحمد | بؤلوم : حوسين جاوان
+0 به یه ن
آغرين عاليم
آي قاباقلي، هيلال قاشلي،
قومرال گؤزلو، آغرين آليم!
جئيران كيمي شوخ باخيشلي،
ايشوه-نازلي، آغرين آليم!
گؤزل كئچن ايللر كيمي،
رنگي سولماز گوللر كيمي،
اوخويان بولبوللر كيمي،
خوش آوازلي، آغرين آليم!
ائي شرفلي، ناموسلو قيز،
اورگي پاك، قلبي تميز،
مين چيچه‌يين بيريني اوز،
سولماز يازلي، آغرين آليم!
نه وارا، شؤهرته آلچال،
سئوگيلينله قوشا قوجال!
اؤز يارينا مين نغمه چال،
تئللي سازلي، آغرين آليم!
جاوان حسين ائدير ديلك،
سيزسيز حيات نَيه گرك.
سني گؤرن تميز اورك،
جوشوب يازدي، آغرين آليم!
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
