يئري
یازار : نژادمحمد | بؤلوم : زودلو اوستا عبدالله
+0 به یه ن
يئري
بير زامانلار آت اويناديب،
گزدي بَيلر بيزيم يئري.
ائل اوياندي بو قفلتدن،
هئچ قالمادي دؤزوم يئري.
لئنين كيمي وار كؤمگيم،
حاقدان دوزلدي ديله‌ييم،
ايشيق تاپيبدير عينه‌ييم،
ياخشي سئچير گؤزوم يئري.
يئردن دومان چكيليبدي،
تورپاق بيزه اكيليبدي،
قاچاق-قولدور چكيليبدي،
بير دولانيم، گزيم يئري.
قيرديق بَيي، توتدوق خاني،
اونلاردان گؤستر بير هاني؟
سن گل ديندير عبداللهني،
ياخشي اؤتور سؤزوم، يئري.
وار دئمكدي
یازار : نژادمحمد | بؤلوم : آشيق قورباني
+0 به یه ن
وار دئمكدي
ائل نظري اوستوندسه،
سنه دؤولت، وار دئمكدي.
باخما دوشوب دن ساققالا،
داغ باشيندا قار دئمكدي.
كج باخارسا سنه زامان،
دؤزمه‌ليسن اووسانمادان،
قفسدسه تولك ترلان،
اويلاغيندا سار دئمكدي.
فيكير وئرمه هديان سؤزه،
شفا وئرر علم گؤزه،
بابالاردان قالان بيزه،
ناموس، قئيرت، آر دئمكدي.
شر ايشلردن گل اول قيراق،
حقيقت آختاران قوچاق،
قولاغينلا ائشيت آنجاق،
يا گؤزونله گؤر دئمكدي.
صنعتكارين وار حؤرمتي،
چكمز كيمسه‌دن ميننتي،
كيمين اولسا سخاوتي،
مؤولام اونا يار دئمكدي.
قادان عاليم
یازار : نژادمحمد | بؤلوم : دوللو مصطفي
+0 به یه ن
قادان عاليم
سئيراغيبين سؤزو ايله،
دوستون آتان، قادان آليم!
اؤلونجه دؤنمه‌رم سندن،
مني ساتان، قادان آليم!
بير دويماديم شيرين سؤزدن،
اؤپمه‌ديم ياناقدان، اوزدن،
ايشارينن، قاشنان، گؤزنن،
دوستلوق قاتان، قادان آليم!
موروت ائله گل اينصافا،
سورك سنله ذؤوقو صفا،
عاشقينه وئرمه جفا،
قاشي قايتان، قادان آليم!
سينن ساوالانين قاري،
ممن گورجوستانين ناري،
ايتكين ساليب كؤهنه ياري،
اغيار توتان، قادان آليم!
ترلان كؤنلوم قاناد چالار،
سونا گؤرسه تورا سالار،
آخير كي، مصطفي اولار،
سنين بوتان، قادان آليم!
گلين
یازار : نژادمحمد | بؤلوم : دوللو مصطفي
+0 به یه ن
گلين
سحردن چيخدين قارشيما،
گول باغچادا گزن گلين.
دريب، دريب بوخاق آلتدا،
تر بنؤوشه دوزن گلين.
بولبولو گولدن ائيلرسن،
گئدني يولدان ائيلرسن،
اولوسدان، ائلدن ائيلرسن،
گؤزلريني سوزن گلين.
قاشلارين قورار ديواني،
كيرپيكلرين تؤكر قاني،
اؤلدورورسن نئچه جاني،
چوخلار باغرين ازن گلين.
__________
1 قوش آديدير
گوموش كمري بئلينده،
شيرمايي شانا تئلينده،
جوموب چالخانيب گؤلونده،
سونا كيمي سوزن گلين.
بيلميرم اصيل-سويونو،
خوبلار آرزولار بويونو،
موستايا توتسون تويونو،
آل ياشيلا بضا گلين.
آغرين عاليم
یازار : نژادمحمد | بؤلوم : دوللو مصطفي
+0 به یه ن
آغرين عاليم
نه دوروبسان، آستانادا،
قاشي قايتان، آغرين آليم.
سحر-سحر باغ ايچينده،
گوله باتان، آغرين آليم.
بوللور بوخاق، بَياز گردن،
آغليمي آپارير سردن،
عاشقينه هردن-هردن،
شيوه ساتان، آغرين آليم.
قوينونداكي عجب نسته،
عالم گؤرسه اولار خسته،
اللرينده دسته-دسته،
نرگيز توتان، آغريم آليم.
جيلوه‌لن، سوز، نازلي جانان،
گل ائيله‌مه باغريمي قان،
قاشلاريندان قوروب كامان،
موژگان آتان، آغرين آليم.
نه باخيرسان ياني-ياني،
اولوم گؤزلرين قورباني،
درده سالما مصطفيني،
آغجاقوتان1، آغرين آليم.
ندي
یازار : نژادمحمد | بؤلوم : باغبان محمّد
+0 به یه ن
ندي
بير جاوانين سئوگي اولسا سرينده،
اونون اوچون صؤحبت ندي، دم ندي؟
اؤلدورر اؤزونو يارين يولوندا،
خانا ندي، دؤولت ندي، جمع ندي؟
سن قمده دونيايا گلن اولماسين،
خنجرله باغريني دلن اولماسين،
سوزورسن چشميني، بيلن اولماسين،
آغلاميسان، كيرپيگينده نم ندي؟
دانيشاسان، مازاقلاشيب گوله‌سن،
بير-بيري‌نين اورك دردين بيله‌سن،
بيرجه گئجه صفا سوروب اؤله‌سن،
هئچ كيم دئمز، بئله عومرو كم ندي؟
باغبان، اينصافميدي يارين ناز ساتا،
يالقيز قاليب، تنها گزيب، تك ياتا،
بير ياري كي، كؤنول گؤره، گؤز توتا،
لامپا ندي، فانوس ندي، شام ندي؟
تئللي سازين
یازار : نژادمحمد | بؤلوم : آشيق موسا
+0 به یه ن
تئللي سازين
مجليسلري آباد ائيلر،
نه گوناهي تئللي سازين؟
ملول كؤنوللر شاد ائيلر،
نه گوناهي تئللي سازين؟
يئكي شجر، يئكي دمير،
آرا وورمور، يالان دئمير،
آند ايچمه‌يير، روشوت يئمير،
نه گوناهي تئللي سازين؟
فيكريني وئرمير قله‌مه،
ظولوم ائيلمير عالمه،
پولونو وئرمير سله‌مه،
نه گوناهي تئللي سازين؟
يولدان چيخيب، يولون آزمير،
ايبليس كيمي آرا پوزمور،
موللا كيمي جادو يازمير،
نه گوناهي تئللي سازين؟
موسا وصفين سؤيلر سازا،
روح وئرير گلينه، قيزا،
اوخشامير او شئييدبازا،
نه گوناهي تئللي سازين؟
ككليك
یازار : نژادمحمد | بؤلوم : آشيق موسا
+0 به یه ن
ككليك
باهارين گۆلشن چاغيندا،
نه اوْخورسان، سوْنا ككليك.
اوْخودون گلدين خوْشوما،
ياشاياسان سن، آ ككليك.
ككليك مسكن ساليب داشا،
سۆرمه چكيب گؤزه، قاشا،
بۇ دؤورانين گئتمز باشا،
اوْوچو گلدي، سين، آ ككليك.
مۇسا سؤز دئير دسيله،
ككليك اؤتور هوسيله،
ائله اوْخودون سس ايله،
جۇشا گلدي سينه، ككليك.
زودلو اوستا عبدالله
یازار : نژادمحمد | بؤلوم : زودلو اوستا عبدالله
+0 به یه ن
زودلو اوستا عبدالله
(1865-1943)
گرايليلار
گليرم من
آلا گؤزلو، نازلي ديلبر
دئدي: دور گئت گليرم من.
دئديم: آي قيز، درديم چوخدو،
دئدي: درمان بيليرم من.
گؤلدن اوچوردوم سوناني،
بو يئرده قويدوم بيناني،
گونده گؤردويوم جاناني،
گؤرمه‌ينده اؤلورم من.
باغچالاردا باريم اولا،
آلما، هئيوا، ناريم اولا،
بير درد بيلن ياريم اولا،
اونا قوربان اولورام من.
وفاسيز اولماز يالانين،
آغلي اولماز چوخ گوله‌نين،
عبداللهيام درد بيله‌نين،
يوز ايل كئچسه قولويام من.
موْللا جۇما
یازار : نژادمحمد | بؤلوم : موللا جوما
+0 به یه ن
موْللا جۇما
(1854-1920)
گرايليلار
قاباغيندا
ايسمي-پۆنهان يازيليبدير،
ايسمي ازم قاباغيندا.
قندي-شككر ازيليبدير،
اوْل سنين بال دوْداغيندا.
اينجه بئلين سۇراهلانير،
خۇمار گؤزون گۆمراهلانير،
بَياز خاللار فرحله‌نير،
گۆله نيسبت ياناغيندا.
جۇمانين شاهي سرداري،
ائله، گۆنه هاواداري،
بير قدم باس بيزه ساري،
بركت وار آياغيندا.
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
