گرايلي

+0 به یه ن

گرايلي

سؤيله

دئديم: ديلبر بير سؤزوم وار

دئدي: دۇرما، روان سؤيله.

دئديم: گل باشينا دؤنوم

دئدي: ائلدن نيهان سؤيله.

دئديم: آل گئيميش عجبدير

دئدي: نيشاني عذابدير.

دئديم: قاشلارين محرابدير

دئدي: ابرو كامان سؤيله.

دئديم: نه قددي-قامتدير؟

دئدي: بيللم، قيامتدير.

دئديم: لبلرين شربتدير

دئدي: آبي-حيات سؤيله.

دئديم: كاكيلين ميشگاندير

دئدي: كۆفر دئمه، ديندير.

دئديم: جامالين گۆنمودور؟

دئدي: ماهي-تبان سؤيله.

دئديم: كؤنلومده نه سسدير،

دئدي: ديلدارا هوسدير.

دئديم كي، بايات آبباسدير،

دئدي كي، آچيبان سؤيله.



  • [ ]