آشيق ادبياتي

قالديرين
حسن آتي ييخيب چايا،
قالديرين، قيزلار، قالديرين.
هره گؤتوروب بير پايا،
قالديرين، قيزلار، قالديرين.
حسن گليردي يوخوشدان،
كيشي چيخيب بركدن، بوشدان،
آتي هوركوب يولدا قوشدان،
قالديرين، قيزلار، قالديرين.
آت سرپيب ايپه دولاشيب،
آياغي باشيندان آشيب،
پالچيغا، زيغا بولاشيب،
قالديرين، قيزلار، قالديرين.
حسن ايتيريب باشيني،
آت اونودوب يولداشيني،
قيريب يهرين قاشيني،
قالديرين، قيزلار، قالديرين.
قاپيدا قويوب قولونو،
يولدا ايتيريب چولونو،
وئرمه‌ييب ياري پولونو،
قالديرين، قيزلار، قالديرين.
آت چيرپينير، يئره دَ‌يير،
باشي گؤوده‌سيني ايير،
كيشنه‌ييب گؤزونو دؤيور،
قالديرين، قيزلار، قالديرين.
حسن يورغون آتي نئيلر،
بو درديني كيمه سؤيلر،
مصطفي ايلتيماس ائيلر،
قالديرين، قيزلار، قالديرين.

قادان عاليم

سئيراغيبين سؤزو ايله،

دوستون آتان، قادان آليم!

اؤلونجه دؤنمه‌رم سندن،

مني ساتان، قادان آليم!

بير دويماديم شيرين سؤزدن،

اؤپمه‌ديم ياناقدان، اوزدن،

ايشارينن، قاشنان، گؤزنن،

دوستلوق قاتان، قادان آليم!

موروت ائله گل اينصافا،

سورك سنله ذؤوقو صفا،

عاشقينه وئرمه جفا،

قاشي قايتان، قادان آليم!

سينن ساوالانين قاري،

ممن گورجوستانين ناري،

ايتكين ساليب كؤهنه ياري،

اغيار توتان، قادان آليم!

ترلان كؤنلوم قاناد چالار،

سونا گؤرسه تورا سالار،

آخير كي، مصطفي اولار،

سنين بوتان، قادان آليم!

گلين

سحردن چيخدين قارشيما،

گول باغچادا گزن گلين.

دريب، دريب بوخاق آلتدا،

تر بنؤوشه دوزن گلين.

بولبولو گولدن ائيلرسن،

گئدني يولدان ائيلرسن،

اولوسدان، ائلدن ائيلرسن،

گؤزلريني سوزن گلين.

قاشلارين قورار ديواني،

كيرپيكلرين تؤكر قاني،

اؤلدورورسن نئچه جاني،

چوخلار باغرين ازن گلين.

__________

1 قوش آديدير

گوموش كمري بئلينده،

شيرمايي شانا تئلينده،

جوموب چالخانيب گؤلونده،

سونا كيمي سوزن گلين.

بيلميرم اصيل-سويونو،

خوبلار آرزولار بويونو،

موستايا توتسون تويونو،

آل ياشيلا بضا گلين.

آغرين عاليم

نه دوروبسان، آستانادا،

قاشي قايتان، آغرين آليم.

سحر-سحر باغ ايچينده،

گوله باتان، آغرين آليم.

بوللور بوخاق، بَياز گردن،

آغليمي آپارير سردن،

عاشقينه هردن-هردن،

شيوه ساتان، آغرين آليم.

قوينونداكي عجب نسته،

عالم گؤرسه اولار خسته،

اللرينده دسته-دسته،

نرگيز توتان، آغريم آليم.

جيلوه‌لن، سوز، نازلي جانان،

گل ائيله‌مه باغريمي قان،

قاشلاريندان قوروب كامان،

موژگان آتان، آغرين آليم.

نه باخيرسان ياني-ياني،

اولوم گؤزلرين قورباني،

درده سالما مصطفيني،

آغجاقوتان1، آغرين آليم.

دوللو مصطفي
(اون دوققوز عصر)
گرايليلار
صنم سني
گؤردوم سحر بولاق اوسته،
صنم سني، صنم سني.
خالق ائيله‌ييب عجب نسته،
صنم سني، صنم سني.
دويماق اولماز قلم قاشدان،
سنين كيمي باغري داشدان،
سئچممه‌ديم ياشيلباشدان،
صنم سني، صنم سني.
آغ اوزده خالي بنؤوشه،
كؤنول حسرت يومرو دؤشه،
آختارير گؤزوم هميشه،
صنم سني، صنم سني.
گول جامالين بديرلي آي،
قاشلاريندي قورولو ياي،
ائيله‌مه‌رم دونيايا تاي،
صنم سني، صنم سني.
اسكيك اولماز، گؤزل، خاتان،
دول مصطفي سنين بوتان،
وئرمز منه ظالم آتان،
صنم سني، صنم سني.