قوشمالار
یازار : نژادمحمد | بؤلوم : آشيق موسا
+0 به یه ن
قوْشمالار
یازار : نژادمحمد | بؤلوم : آشيق موسا
+0 به یه ن
قوْشمالار گۆله-گۆله خۇدام سني نه خوْش گۆنده ياراديب، ساليبدي جاهانا، آي گۆله-گۆله. گؤزلليكده يۇسيف سنه تاي اوْلماز، آليبسان قۆدرتدن پاي، گۆله-گۆله. اينانميرام مۆشكول ايشلر دۆزله، طبيب سنسن، گل يارامي تزله، من نه دئييم سنين كيمي گؤزله، ائله‌دين عؤمرومو زاي، گۆله-گۆله. اۇجا بوْيلو، طۇطي ديللي بختور، سنه قۇربان ائويم، ماليم، هر نه وار، آشيق مۇسا دئير: گۆل ياناخلي يار، سن گتير، من ايچيم چاي، گۆله-گۆله.
تئللي سازين
یازار : نژادمحمد | بؤلوم : آشيق موسا
+0 به یه ن
تئللي سازين
مجليسلري آباد ائيلر،
نه گوناهي تئللي سازين؟
ملول كؤنوللر شاد ائيلر،
نه گوناهي تئللي سازين؟
يئكي شجر، يئكي دمير،
آرا وورمور، يالان دئمير،
آند ايچمه‌يير، روشوت يئمير،
نه گوناهي تئللي سازين؟
فيكريني وئرمير قله‌مه،
ظولوم ائيلمير عالمه،
پولونو وئرمير سله‌مه،
نه گوناهي تئللي سازين؟
يولدان چيخيب، يولون آزمير،
ايبليس كيمي آرا پوزمور،
موللا كيمي جادو يازمير،
نه گوناهي تئللي سازين؟
موسا وصفين سؤيلر سازا،
روح وئرير گلينه، قيزا،
اوخشامير او شئييدبازا،
نه گوناهي تئللي سازين؟
ككليك
یازار : نژادمحمد | بؤلوم : آشيق موسا
+0 به یه ن
ككليك
باهارين گۆلشن چاغيندا،
نه اوْخورسان، سوْنا ككليك.
اوْخودون گلدين خوْشوما،
ياشاياسان سن، آ ككليك.
ككليك مسكن ساليب داشا،
سۆرمه چكيب گؤزه، قاشا،
بۇ دؤورانين گئتمز باشا،
اوْوچو گلدي، سين، آ ككليك.
مۇسا سؤز دئير دسيله،
ككليك اؤتور هوسيله،
ائله اوْخودون سس ايله،
جۇشا گلدي سينه، ككليك.
آشيق مۇسا
یازار : نژادمحمد | بؤلوم : آشيق موسا
+0 به یه ن
آشيق مۇسا
(1830-1912)
گرايليلار
بير گۆن
كؤنول، سندن گيلئيلييم،
ياخشي-ياخشي يازار بير گۆن.
ايكي ميرقززب ايلشيب،
چك اليندن هازار بۇ گۆن.
ائي يۆكو تۇنج اوْلان كيمسه،
ناغديسي وئج اوْلان كيمسه،
نۆتفه‌دن كج اوْلان كيمسه،
دوْغرو يوْلدان آزار بير گۆن.
يازيق مۇسا ائيلر ديلك،
بۇ قم قوْيماز بيزي گۆلك،
دئمه‌ديممي چرخي-فلك،
بۇ دؤورانين پوْزار بير گۆن.
- [ 1 ]
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
