زۆلفون
یازار : نژادمحمد | بؤلوم : موللا جوما
+0 به یه ن
زۆلفون
هر سحردن سێغاللاييب،
جرگه دۆزدون يۆزه زۆلفون.
گاه داراييب، گاه ياغلاييب،
خوْش گؤستردين گؤزه زۆلفون.
زۆلفون كمندين آتماغا،
گئجه-گۆندوز اوْيناتماغا،
مۆشترييم، گل ساتماغا،
بيرين آللام يۆزه زۆلفون.
زۆلفون چكنده شانايا،
دؤنوب ياشيلباش سوْنايا،
باتيريبان ال خێنايا،
بوْياديبسان تازه زۆلفون.
زۆلفون كيمي ايلان اوْلماز،
شاعر سؤزو يالان اوْلماز،
بۇردا قدرين بيلن اوْلماز،
دۇر، آپاراق بيزه زۆلفون.
زۆلفون گرده‌نينه ياييب،
گؤرنلري بيهوش قوْيوب،
موْللا جۇما تعريف دئييب،
گؤتوروبدور سؤزو زۆلفون.
موْللا جۇما
یازار : نژادمحمد | بؤلوم : موللا جوما
+0 به یه ن
موْللا جۇما
(1854-1920)
گرايليلار
قاباغيندا
ايسمي-پۆنهان يازيليبدير،
ايسمي ازم قاباغيندا.
قندي-شككر ازيليبدير،
اوْل سنين بال دوْداغيندا.
اينجه بئلين سۇراهلانير،
خۇمار گؤزون گۆمراهلانير،
بَياز خاللار فرحله‌نير،
گۆله نيسبت ياناغيندا.
جۇمانين شاهي سرداري،
ائله، گۆنه هاواداري،
بير قدم باس بيزه ساري،
بركت وار آياغيندا.
- [ 1 ]
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
