آي آغالار، گلين سيزه سؤيله‌ييم،

+0 به یه ن

آي آغالار، گلين سيزه سؤيله‌ييم،

ازل ياخشي اولار، يار آشناليغي.

سن سئوه‌سن، يارين سني سئومه‌يه،

اولار بولبول ايله خار آشناليغي.

باغبان اودور زحمت چكه، اللشه،

سالديغي باغ چيچكلشه، گوللشه.

اگر گوجسوز گوجلو ايله گولشه،

اولار ترلان ايله سار آشناليغي.

خسته قاسيم قم اليندن مست اولا،

اهلي-درويش خيرخاسيندا پوست اولا،

بير آدام كي، لوخما ايله دوست اولا،

اولار ياغيش ايله قار آشناليغي.

قوشمالار

+0 به یه ن

قوشمالار

اوستا، مني گؤزلرينه فدا قيل،

سندن ساز ايسته‌رم، اما ساز اولا!

دينديرنده عمران ديلله دانيشا،

شئيدا بولبوللر تك خوشاواز اولا!

ياماني يامانا، ياخشيني مرده،

تعريفيني ائديم هر دوشن يئرده.

دولاشمايا سيملر، وورمايا پرده،

گؤزللر تك اوندا ايشوه، ناز اولا!

خسته قاسيم، سؤزوم سؤيله‌رم ايان،

ائله جار ائيله‌رم بَيانببيان.

قييمتين سوروشسان، تامام اون تومن،

نه اوندان چوخ اولا، نه ده آز اولا!



  • [ 1 ]