ائيلر
یازار : نژادمحمد | بؤلوم : حوسين جاوان
+0 به یه ن
ائيلر
(جيغالي گرايلي)
محبت سارايي اوچسا،
قلب آليشار، ديل واي ائيلر.
كؤنول پروازلانيب اوچسا،
گزر ياريني،
وفاداريني،
اؤز ديلداريني،
تاپامماسا، ديل واي ائيلر.
آشيق ياريني گؤرمسه،
سيياه ساچلارين هؤرمسه،
آچيلان گولون درمسه،
گول تؤكولر،
اغيار گولر،
بئل بوكولر،
جيغا آغلار، تئل واي ائيلر.
اووچو ايتيرسه مارالي،
كسيلر صبري-قراري.
داغدان-داشدان خبر آلي،
اورگي يانار،
ياريني آنار،
دردلي قانار،
چمن سيزلار، چؤل واي ائيلر،
محبتين تامي بالسا،
آشيغين آغريني آلسا،
يار يارينا حسرت قالسا،
ساز دا آغلار،
سؤز ده آغلار،
گؤز ده آغلار،
گؤزدن آخان سئل واي ائيلر.
هيجران ياشي درين گلسه،
محبتي ايكي بؤلسه.
جاوان حسين ناكام اؤلسه،
چايلار چاغلار،
دوست سوراقلار،
ياري آغلار،
حئيف، دئييب ائل واي ائيلر.
دئ، داغلارين بو چاغيندان
آشيق، گؤتور تئللي سازي،
دئ، داغلارين بو چاغيندان،
ائشيديلسين خوش آوازين
خاچبولاغين يايلاغيندان.
باخ، قارتاللي قايالارا.
بزكدير اولو داغلارا،
گؤز وورورلار بولودلارا
يوردومون هر بوجاغيندان.
طبيعتين بودور حالي،
گونئيلره سريب خالي،
بوز تپه‌لر اؤرتوب شالي،
دويماق اولمور نؤوراغيندان.
كمرقايا، عينالليدوز،
دوروبدور سننن اوزبوز،
سيزيلداشان زنبورو سوز،
بال سوزولور "جايناغيندان".
ياخليچوخور، گيللي بولاق،
كپزه چيخ، گؤي گؤله باخ،
گزمه‌يينن اولماز دويماق،
آذربايجان تورپاغيندان.
سارييالدان گل قوشقارا،
حؤرمت ائيلر صنعتكارا.
گؤزله، دوشمه بوران-قارا،
چيخ داغلارين سيناغيندان.
جاوان حسين، آوازين خوش،
زيلدن اوخو، اوركدن جوش،
شئ`ر ده ياز، نغمه ده قوش،
دورر سوزولسون دوداغيندان.
آغرين عاليم
یازار : نژادمحمد | بؤلوم : حوسين جاوان
+0 به یه ن
آغرين عاليم
آي قاباقلي، هيلال قاشلي،
قومرال گؤزلو، آغرين آليم!
جئيران كيمي شوخ باخيشلي،
ايشوه-نازلي، آغرين آليم!
گؤزل كئچن ايللر كيمي،
رنگي سولماز گوللر كيمي،
اوخويان بولبوللر كيمي،
خوش آوازلي، آغرين آليم!
ائي شرفلي، ناموسلو قيز،
اورگي پاك، قلبي تميز،
مين چيچه‌يين بيريني اوز،
سولماز يازلي، آغرين آليم!
نه وارا، شؤهرته آلچال،
سئوگيلينله قوشا قوجال!
اؤز يارينا مين نغمه چال،
تئللي سازلي، آغرين آليم!
جاوان حسين ائدير ديلك،
سيزسيز حيات نَيه گرك.
سني گؤرن تميز اورك،
جوشوب يازدي، آغرين آليم!
يار نئجه اولدو؟
یازار : نژادمحمد | بؤلوم : حوسين جاوان
+0 به یه ن
يار نئجه اولدو؟
بولاق، سندن خبر آليم،
سؤيله گؤروم، يار نئجه اولدو؟
گونش اوزلو، آي جاماللي،
قددي قلمكار نئجه اولدو؟
ايتيرميشم بير ماراليم،
كسيليب صبري-قراريم.
سندن بير سؤز خبر آليم،
سؤيله بييلقار نئجه اولدو؟
آراميزدا سن اول، هكم،
آتاسيز، قارداشسيز، تكم.
ايتكين گئدن او باختيكم،
آغ سينه‌سي قار، نئجه اولدو؟
ائشيدين، آشيق جاوانام،
نه آتام وار، نه ده آنام...
وطندن اودور نيشانام،
بيلمم او يار نئجه اولدو؟
وار اولسون ائللرين سنين
تؤكولوبدور آغ بوخاغا
خورمايي تئللرين سنين.
ياراشير قايماق دوداغا،
شيريندير ديللرين سنين.
دوشمه‌سين ائللري درده،
قم قالماسين كؤنوللرده،
گزير ديلسيز پرده‌لرده.
صنعتكار اللرين سنين.
حسين اوخور زيلده، بمده،
قالماسين كؤنوللر قمده.
ائل سؤزلري وار سينمده،
وار اولسون ائللرين سنين.
باياتيلار
یازار : نژادمحمد | بؤلوم : حوسين جاوان
+0 به یه ن
باياتيلار آشيغام، ائلچي مني، گؤزلدير ائلچي مني. اؤز سئوديگيم بير قيزا گؤندرين ائلچي مني. بوردان دؤرد باجي كئچدي، باخدي قييقاجي كئچدي. عومروم بهرسيز اولدو، گونلريم آجي كئچدي. تورپاقدا آج اولمايا، اينساندان باج آلمايا. ائله دونيا يارانا، اينسانلار قوجالمايا. شانا ساچدا اولايديم، سورمه قاشدا اولايديم. سيننيم گئري دؤنيدي، اون بئش ياشدا اولايديم. من عاشقم، آي خومار، گئجه سرخوش، آي خومار. سئوگيليم جاواب وئرمز، آ ياتير خومار-خومار. آشيق، نه گؤزل يازدي، ميرزه‌لر گؤزل يازدي، قومرو كيمي دانيشان سيننده تئللي سازدي. آشيق گرمدوزلودو سؤزو شيرين، دوزلودو. مجليسي گؤيلر كيمي اولكرلي، اولدوزلودو. من عاشقم، دريندي، كولو باغدان در ايندي، بلدچيم كور طالعييم، دوشدوم، قويو دريندي. خبر وئرين گولخارا، گئيينمه‌سين گول-خارا. عاشقي ناكام گئتدي، قيسمت اولدو گول خارا. آشيق، آدين شيريندي، فرهاد دوستو شيريندي. دوستدان دوستا گلن پاي بئچه بالدان شيريندي.
- [ 1 ]
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
