آي آغالار، گلين سيزه سؤيله‌ييم،
یازار : نژادمحمد | بؤلوم : خسته قاسيم
+0 به یه ن
آي آغالار، گلين سيزه سؤيله‌ييم، ازل ياخشي اولار، يار آشناليغي. سن سئوه‌سن، يارين سني سئومه‌يه، اولار بولبول ايله خار آشناليغي. باغبان اودور زحمت چكه، اللشه، سالديغي باغ چيچكلشه، گوللشه. اگر گوجسوز گوجلو ايله گولشه، اولار ترلان ايله سار آشناليغي. خسته قاسيم قم اليندن مست اولا، اهلي-درويش خيرخاسيندا پوست اولا، بير آدام كي، لوخما ايله دوست اولا، اولار ياغيش ايله قار آشناليغي.
قوشمالار
یازار : نژادمحمد | بؤلوم : خسته قاسيم
+0 به یه ن
قوشمالار اوستا، مني گؤزلرينه فدا قيل، سندن ساز ايسته‌رم، اما ساز اولا! دينديرنده عمران ديلله دانيشا، شئيدا بولبوللر تك خوشاواز اولا! ياماني يامانا، ياخشيني مرده، تعريفيني ائديم هر دوشن يئرده. دولاشمايا سيملر، وورمايا پرده، گؤزللر تك اوندا ايشوه، ناز اولا! خسته قاسيم، سؤزوم سؤيله‌رم ايان، ائله جار ائيله‌رم بَيانببيان. قييمتين سوروشسان، تامام اون تومن، نه اوندان چوخ اولا، نه ده آز اولا!
اولماز
یازار : نژادمحمد | بؤلوم : آشيق قورباني
+0 به یه ن
اولماز فند ائله‌مه، فئللي درويش، بئله كار ائيله‌مك اولماز! ييخيبسان كؤنلوم ائويني، مورغو زار ائيله‌مك اولماز! سؤيله دردين بيلنلره، درد باشينا گلنلره، هر اوزونه گولنلره، اعتيبار ائيله‌مك اولماز! قوربانييه گتير مزه، درد اوستونده درديم تزه، درد بيله‌ني دردبيلمزه، گيريفتار ائيله‌مك اولماز!
تئز-تئز
یازار : نژادمحمد | بؤلوم : آشيق قورباني
+0 به یه ن
تئز-تئز جانيم طبيب، گؤزوم لوغمان، منيم درديم آرا تئز-تئز. بو درد مني چوخ اينجيدير، سيزيلدايير يارا تئز-تئز. سئوديم گؤزللر مويونو، هئچ كسه وئرمز اويونو، تولك-ترلانين اويونو قيسمت ائتمه سارا تئز-تئز! قورباني آغلار ائلدن اؤترو، بولبول آغلار گولدن اؤترو، بيرجه نازيك بئلدن اؤترو، گونوم كئچدي قارا، تئز-تئز.
گوله، گوله
یازار : نژادمحمد | بؤلوم : آشيق قورباني
+0 به یه ن
گوله، گوله گيرديم يارين باغچاسينا، دئديم درديم گوله، گوله. من اونا ائله موشتاغام، نئجه بولبول گوله، گوله. ناشي باغبان، ساتما گولو، حرامدي آخچاسي، پولو، كوسدوردون شئيدا بولبولو، داها گلمز گوله، گوله. قوربانييم، ائرمه‌ميشم، يار قصرينه گيرمه‌ميشم، بئله جللاد گؤرمه‌ميشم، آلدي جانيم گوله-گوله.
باياتيلار
یازار : نژادمحمد | بؤلوم : حوسين جاوان
+0 به یه ن
باياتيلار آشيغام، ائلچي مني، گؤزلدير ائلچي مني. اؤز سئوديگيم بير قيزا گؤندرين ائلچي مني. بوردان دؤرد باجي كئچدي، باخدي قييقاجي كئچدي. عومروم بهرسيز اولدو، گونلريم آجي كئچدي. تورپاقدا آج اولمايا، اينساندان باج آلمايا. ائله دونيا يارانا، اينسانلار قوجالمايا. شانا ساچدا اولايديم، سورمه قاشدا اولايديم. سيننيم گئري دؤنيدي، اون بئش ياشدا اولايديم. من عاشقم، آي خومار، گئجه سرخوش، آي خومار. سئوگيليم جاواب وئرمز، آ ياتير خومار-خومار. آشيق، نه گؤزل يازدي، ميرزه‌لر گؤزل يازدي، قومرو كيمي دانيشان سيننده تئللي سازدي. آشيق گرمدوزلودو سؤزو شيرين، دوزلودو. مجليسي گؤيلر كيمي اولكرلي، اولدوزلودو. من عاشقم، دريندي، كولو باغدان در ايندي، بلدچيم كور طالعييم، دوشدوم، قويو دريندي. خبر وئرين گولخارا، گئيينمه‌سين گول-خارا. عاشقي ناكام گئتدي، قيسمت اولدو گول خارا. آشيق، آدين شيريندي، فرهاد دوستو شيريندي. دوستدان دوستا گلن پاي بئچه بالدان شيريندي.
خوش گلميسن
یازار : نژادمحمد | بؤلوم : چوبان افغان
+0 به یه ن
خوش گلميسن بو خوش گونده قدم باسيب ياريم، بيزه خوش گلميسن. يئنه مني يادا ساليب، ياريم، بيزه خوش گلميسن. سيخيبسان نازيك بئليني، آچ گؤروم جيغا تئليني، دانيش اؤپوم قوي ديليني، ياريم، بيزه خوش گلميسن. گول اكديم ائللر باغيندا، عاشقم يار سوراغيندا، عومرومون بو سون چاغيندا ياريم، بيزه خوش گلميسن.
دولانا-دولانا
یازار : نژادمحمد | بؤلوم : آشيق قورباني
+0 به یه ن
دولانا-دولانا آلچاق يئردن دومان قالخار، داغي دولانا-دولانا. گؤي اوزونو بولود آلار، ماهي دولانا-دولانا. كيمي آغا، كيمي نؤكر، نؤكر اولان جفا چكر، بولبول آغلار، قان-ياش تؤكر. باغي دولانا-دولانا. قورباني مورادا يئتدي، جانان گلدي بوردان اؤتدو، نوبات گلدي، مانا يئتدي، ساقي دولانا-دولانا.
- [ 1 ]
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
