نئينيم؟
یازار : نژادمحمد | بؤلوم : زودلو اوستا عبدالله
+0 به یه ن
نئينيم؟
آي آغالار، آي قاضيلار،
من بۇ درده دؤزوم، نئينيم؟
دۆشدوم قمين درياسينا،
قوواس اوْلوم اۆزوم، نئينيم؟!
درديم اوْلوبدو ضيادا،
بير يئتن يوْخدور فريادا.
آرسيز، قملي بۇ دۆنيادا
هئچ بيلميرم گزيم، نئينيم؟!
عبدالله دۆشوب آزارا،
دردي يئتيب سد-هازارا.
قوْيان يوْخدور بير مزارا،
اؤز اليمله قازيم، نئينيم؟!
يئري
یازار : نژادمحمد | بؤلوم : زودلو اوستا عبدالله
+0 به یه ن
يئري
بير زامانلار آت اويناديب،
گزدي بَيلر بيزيم يئري.
ائل اوياندي بو قفلتدن،
هئچ قالمادي دؤزوم يئري.
لئنين كيمي وار كؤمگيم،
حاقدان دوزلدي ديله‌ييم،
ايشيق تاپيبدير عينه‌ييم،
ياخشي سئچير گؤزوم يئري.
يئردن دومان چكيليبدي،
تورپاق بيزه اكيليبدي،
قاچاق-قولدور چكيليبدي،
بير دولانيم، گزيم يئري.
قيرديق بَيي، توتدوق خاني،
اونلاردان گؤستر بير هاني؟
سن گل ديندير عبداللهني،
ياخشي اؤتور سؤزوم، يئري.
زودلو اوستا عبدالله
یازار : نژادمحمد | بؤلوم : زودلو اوستا عبدالله
+0 به یه ن
زودلو اوستا عبدالله
(1865-1943)
گرايليلار
گليرم من
آلا گؤزلو، نازلي ديلبر
دئدي: دور گئت گليرم من.
دئديم: آي قيز، درديم چوخدو،
دئدي: درمان بيليرم من.
گؤلدن اوچوردوم سوناني،
بو يئرده قويدوم بيناني،
گونده گؤردويوم جاناني،
گؤرمه‌ينده اؤلورم من.
باغچالاردا باريم اولا،
آلما، هئيوا، ناريم اولا،
بير درد بيلن ياريم اولا،
اونا قوربان اولورام من.
وفاسيز اولماز يالانين،
آغلي اولماز چوخ گوله‌نين،
عبداللهيام درد بيله‌نين،
يوز ايل كئچسه قولويام من.
- [ 1 ]
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
