گلين
یازار : نژادمحمد | بؤلوم : دوللو مصطفي
+0 به یه ن
گلين
سحردن چيخدين قارشيما،
گول باغچادا گزن گلين.
دريب، دريب بوخاق آلتدا،
تر بنؤوشه دوزن گلين.
بولبولو گولدن ائيلرسن،
گئدني يولدان ائيلرسن،
اولوسدان، ائلدن ائيلرسن،
گؤزلريني سوزن گلين.
قاشلارين قورار ديواني،
كيرپيكلرين تؤكر قاني،
اؤلدورورسن نئچه جاني،
چوخلار باغرين ازن گلين.
__________
1 قوش آديدير
گوموش كمري بئلينده،
شيرمايي شانا تئلينده،
جوموب چالخانيب گؤلونده،
سونا كيمي سوزن گلين.
بيلميرم اصيل-سويونو،
خوبلار آرزولار بويونو،
موستايا توتسون تويونو،
آل ياشيلا بضا گلين.
بلاگا گؤره
بؤلوم لر
سون یازیلار
باغلانتی لار
یولداش لار
آرشیو
سایغاج
ایمکان لار
